Shymkent qalalyq assambleıa hatshylyǵynyń jáne qalalyq «Nur Otan» partııasynyń, qalalyq otbasy, balalar jáne jastar isteri jónindegi basqarmasynyń basshylyǵy, etnomádenı birlestikterdiń tóraǵalary, zııaly qaýym ókilderi men ǵalymdar, Jas Otan» jastar qanaty men «Jańǵyrý joly» jastar qozǵalysynyń belsendileri qatysqan jıynda Elbasy Nursultan Nazarbaevtyń kóregendiginiń arqasynda qol jetkizgen tabystar, Táýelsizdik jyldaryndaǵy taǵdyrsheshti qadamdar tilge tıek boldy.
Osynaý El tarıhyndaǵy asa bir mańyzdy kúnderdiń túbirine úńilgen qaýym Shymkent qalasyndaǵy «Qazaqstan halqy Assambmleıasy» ǵımaratynda 1 jeltoqsan – Qazaqstan Respýblıkasynyń Tuńǵysh Prezıdenti kúni merekesine oraı dóńgelek ústel basynda bas qosty.
Jıynda «Nur Otan» partııasy Shymkent qalalyq fılıaly tóraǵasynyń orynbasary Bahadyr Narymbetov qujat aıasynda júzege asatyn jumystarǵa kópshiliktiń nazaryn aýdardy.
- Elbasymyz Qazaqstan halqy Assambleıasy atty dúnıejúziniń birde-bir elinde kezdespeıtin biregeı ınstıtýt qurýdyń jáne ony júzege asyrýdyń negizgi bastamashysy boldy. Sondaı-aq, «Nur Otan» partııasy da eń alǵash qurylǵan kúninen bastap Prezıdentimizdiń basty kómekshisine aınaldy. Sondyqtan, biz búgin Elbasynyń jańa bastamalaryn iske asyrýǵa, bereke-birlikti nyǵaıtýǵa qatysty máselelerdi birlese qarap, ózara memorandýmǵa qol qoıdyq. Bul – bizdiń «Qazaqstan-2050» strategııasyn, Elbasynyń sońǵy Joldaýlary men «Bolashaqqa baǵdar: rýhanı jańǵyrý» jáne «Uly dalanyń jeti qyry» atty baǵdarlamalyq maqalalaryndaǵy bastamalardy tıimdi júzege asyrýda birlesken jumystarymyzdyń basty qujaty bolady, - dedi B.Narymbetov.
Elbasy ótken jyly «Nur Otan» partııasy Saıası bıýrosynyń otyrysynda partııa men QHA-nyń birlesip jumys isteýi jóninde arnaıy tapsyrma bergen bolatyn. Osyǵan oraı, «Nur Otan» partııasy Shymkent qalalyq fılıaly men qalalyq Qazaqstan halqy Assambleıasy jáne otbasy, balalar jáne jastar saıasaty basqarmasynyń basshylary 2019 jylǵa arnalǵan birlesken is-sharalar josparyn bekitip, ózara yntymaqtastyq jóninde memorandýmǵa qol qoıdy.
- 1 jeltoqsan – qazaqstandyqtar úshin erekshe kún. Dál osy kúni Qazaqstan halqy tarıhı tańdaý jasap, Táýelsiz eldiń Tuńǵysh Prezıdentin saılady. Az ýaqyttyń ishinde Qazaqstan tańdaı qaqtyrarlyq tabystarymen álemge tanyldy. Eldegi ekonomıkalyq-áleýmettik jáne saıası reformalar, halyqaralyq jáne óńirlik bastamalar, jahandyq jasampaz isterimizdiń barlyǵy Nursultan Nazarbaevtyń esimimen tikeleı baılanysty. Jetistikterimizdiń barlyǵy Elbasy ustanǵan birlik pen turaqtylyq, ultaralyq kelisim saıasatynyń arqasynda júzege asqanyna erekshe nazar aýdarýymyz tıis, - dedi jıynda sóz alǵan Shymkent qalalyq Qazaqstan halqy Assambleıasy tóraǵasynyń orynbasary Muratáli Qalmuratov.
2019 jyl «Jastar jyly» dep jarııalandy. Osyǵan oraı, baıandama jasaǵan qalalyq otbasy, balalar jáne jastar saıasaty basqarmasynyń basshysy Jandos Qaltaev jastar men otbasy ınstıtýtyn keshendi qoldaý baǵytyndaǵy jumystardy jumyla júzege asyrýdyń mańyzdylyǵyn aıtty.
Erkin pikir alańyna aınalǵan jıynnyń sońynda Elbasynyń ómir joly týraly beınefılm kórsetildi.
Nurshat TО́KEN,
«Egemen Qazaqstan»